korrekturen.de | Korrektorat und Lektorat

> Gravierender finde ich den verbreiteten Sprachfehler im
> süddeutschen Raum, kein "ch" aussprechen zu können

Iech hob zwor aweng lang gebrauchd, obber etzadla mussi mi fei scho a bissala orch aufregn: Mir kennadn ka "ch" am Ofang vo an Word ausschbrechn. A suu a Gwaaf, a bleeds, und Schbroochfehler hamm mir aa kann, obber wärgli ned. Bass almol auf, wossi glei sooch: "Chitin". Gell, do schaus'd, du Aff.

> "Kina" oder "Kemie" zu sagen

So, und dann sooch amol, worum denn des su is, du Exberde, du. Des gibd nemlich aa echda Exberdn, do zum Beischbill:

http://www.bayerische-sprache.de/Raamadama.html

Aa wenn iech als Frange mid dennan Baiern eigndlich nix za doo hom mooch, der Brofesser hod scho recht: Mier schbrechn dennan Fremdwerder, die wo mid "chi" oder "che" ofanga und aus'm Griechischn kumma, mid an "k" aus. Wos soll denn dodro folsch saa, hä? Des is heegsdns annerschd.

> sonst könnte es auch peinlich werden,

Beinlich is villeicht, wenn aaner "Schemie" odder "Schina" sochd, wail des is su richdich falsch, gell!

So, und dann missad ma blus nuuch rauskriegn, worum iech "Chitin" und ned "Kitin" sooch. Do muss wos in meiner Schullzeid schief gloffn saa. Iech wer mir des glei abgweena.

Adee.